潮汐
PEK 冬
2019年9月19日1130-1300嘅香港黃大仙區
黃大仙下邨；約70歲男性；以為我想問時事
“唔好意思啊，我乜都唔知，我都一把年紀，唔知唔知，你問第個啦”
黃大仙下邨；約50歲女性；等接孫放學
“有邊個地點？我係度住咗四十年，唔覺得嘀區邊度特別窩。
人之間嘅關係重要啲囉我覺得，係啊，因為個地方係死㗎嘛。
如果要講邊個地方有特別嘅回憶，我覺得係街市囉，你知㗎啦，我哋啲成日去街市㗎嘛，以前嘅街市就喺啟德花園果度啫嘛。
以前就係喺地下嘅啫，後尾就起咗樓，邊咗喺樓上。 我覺得以前嘅街市好似開心啲囉，有好多嘢食宜家都冇咗了，好似蔥油餅啊果啲。”
黃大仙下邨；約80歲男性；開始耳聾
“我聽唔清你講乜窩…..
冇乜地方啊我就係度嘅咋我唔出去㗎”
新蒲崗；約60歲男性；帶小圓眼鏡同帽
“我喺度住咗幾十年了，冇乜覺得特別嘅地方。
幾十年啦，全部都麻木咗（笑）
冇乜特別嘅回憶，我唔記嘢嘅。”
新蒲崗；約80歲男性；喺度睇報紙
“咩問題啊，我唔識答嘅窩…
就啲度公園囉。係啊就啲度囉。
你睇啲度周圍都住滿人，香港好少可以揾到咁樣可以坐低乘涼嘅地方。
我好鍾意啲度啊，坐係度又陰涼又有風。
我最鍾意睇住啲細路仔喺度玩，今日冇啦，你下晝傍晚黎，好多細路㗎”
新蒲崗；91歲男性；攞住把折扇
“我成日都坐喺度同啲朋友傾計㗎咋。
得閒咪同佢哋傾計囉，咧佢哋等陣就黎㗎啦。
有時就係度囉，有時就係第度。有時個朋友嘅老婆喺鄉下黎咗咪冇得傾囉。
我潮州嘅，我廿歲喺潮州落黎，落咗香港七十一年啦。我今年九十一歲㗎啦。
冇嘢傾，我哋啲老坑乜都唔識，喺咁傾啲無謂嘢啫，冇嘢傾嘅。
後生果時喺潮州辛苦，而家喺香港每個月攞果幾千蚊，喺咁㗎啫。
你去揾啲後生仔影相啦，揾我啲老坑冇用㗎，同我啲老坑影相有乜意思啫”
ZRH&Basel
PEK
那爾索斯克斯
自拍其實不易
九龍塘雨後夜
天臺
裕民坊的最後一晚
觀塘海濱
活得好談何容易拍著照片
「Thanks god I am as good as dead」
